ನಿನ್ನುಸಿರ ಹೆಜ್ಜೆಗಳು

ನಿನ್ನುಸಿರ ಹೆಜ್ಜೆಗಳು ..  ನನ್ನ ಒಳ ಜಗತ್ತಿನೋಳಗೆಲ್ಲ  ಬರೀ ನಿನ್ನುಸಿರ ಹೆಜ್ಜೆಗಳು ನಮ್ಮ ಕನಸುಗಳನ್ನೆ ಕಾವಲಿಗಿರಿಸಿ ನನ್ನುಸಿರ ಸಪ್ಪಳದೊಂದಿಗೆ ಲೀನವಾಗಿಹುವು - ಶಶಿಭಾಗ್ಯಜ ...

ನುಚ್ಚುನೂರಾಗದಿರಲಿ

ಹ್ಯಾಂಗ ಕಳಿಸಿಕೊಡಲಿ ತಂಗ್ಯವ್ವ ನಿನ್ನ

ಹ್ಯಾಂಗ ಕಳಿಸಿಕೊಡಲಿ ತಂಗ್ಯವ್ವ ನಿನ್ನ ಹ್ಯಾಂಗ ಕಳಿಸಿಕೊಡಲಿ ತಂಗ್ಯವ್ವ ನಿನ್ನ  ಒಟ್ಟಿಗೆ ಹಾಡಿ ಬೆಳೆದ ಕ್ಷಣವಿನ್ನು ಮನಸ್ಸಿನಿಂದ ಮರೆಯಾಗಿಲ್ಲ ಮಡಿಲಲ್ಲಿ ಮಲಗಿಸಿ ಮುದ್ದಿಸಿದ್ದಕ್ಕಿನ್ನೂ ಮರೆವಿಲ್ಲ ಬೆಳೆದು ನಿಂತ ನಿನ್ನ ನೋಡಿ ಸಂಭ್ರಮಿಸಿದ್ದಿನ್ನೂ ಮಾಸಿಲ್ಲ ಹಬ್ಬಕ್ಕ ಹೊಸ ಸೀರೆಗೆಂದು ರಚ್ಚೆ ಹಿಡಿಯುತ್ತಿದ್ದ ನಿನ್ನ ಮುಖವಿನ್ನು ಮರೆತಿಲ್ಲ ಈಗ ನಿನ್ನ ಕಳಿಸಿಕೊಡಬೇಕಂತ ಹ್ಯಾಂಗವ್ವ  ಗೊತ್ತಿಲ್ಲ ಜಗದ ನಿಯಮವಂತ ಬೆಳೆದು ನಿಂತ ನಿನ್ನ ಮದುವಿ ಮಾಡಲೇಬೇಕಂತ ಅದಕ್ಕೆಂದ ವರನ ಹುಡುಕ್ಕಿದ್ದಾಗಿದೆ ಈಗ ಹಸೆ ಏರಿಸಿ ಅಕ್ಷತೆಯ ಹಾಕಬೇಕಿದೆ ಆದರು ಮದುವಿ ಮಾಡಿ ಕಲಿಸಿಕೊಡೋದು ಹ್ಯಾಂಗವ್ವ   ಅಣ್ಣನಾಗಿ ನಿಂತು ಮುಡಿಗ ಹೂ ತುಂಬಿ ಅಕ್ಕರೆಯಿಂದ ಧಾರೆ ಎರೆದದ್ದಾಯಿತು  ಊರೆಲ್ಲ ಕರೆದು ಒಮ್ಮೆಗೆ ಭೀಗಿದ್ದಾಯಿತು ಒಳಿಗೆ ಪಾಯಸ ಮಾಡಿ ಸವಿಯೂಟ ಹಾಕಿಸಿದ್ದಾಯಿತು ಚಲುವಾದ ಭಾವನ ನೋಡಿ ಮೀಸೆ ತಿರುವಿದ್ದಾಯಿತು ಈಗ ನಿನ್ನ ಕಳಿಸಿಕೊಡಬೇಕಂತ ತಂಗ್ಯವ್ವ   ಬಾಗಿಲಿಗ ಭಾವ ಬಂದು ನಿಂತ್ಯಾನ  ಮುತ್ತಿಕ್ಕಿ ಮುದ್ದಿನ ಕೈಗಳಿಗೆ ಬಳೆ ತೊಡಿಸಿದ ನಾನಾ ಅದೇ ಕೈಯಿಂದ ಬಾಗೀನ ಹ್ಯಾಂಗ ತುಂಬಲವ್ವ ಕೂಸು ಮರಿ ಹೊತ್ತು ಮೂಟೆಯಾಟ ಆಡಿದ ನಾನು ಈಗ ಕೈಯೊಡ್ಡಿ ನೀ ಹತ್ತುವ ಗಾಡಿಗ ಮೆಟ್ಟಿಲೆಂಗಾಗಲವ್ವ ತಂಗಿ ಹ್ಯಾಂಗ ಕಳಿಸಿಕೊಡಲವ್ವ ನಿನ್ನ  ನನಗಿಲ್ಲಂತ ಈಗ ನಿನಮ್ಯಾಲ ಅಧಿಕಾರ ಭಾವನಿಗ ಅರ್ಧಾಂಗಿಯಂತ ನೀ ಇನ್ನ  ಅತ್ತಿ ಮಾವನಿಗ ಆಸರೆಯ ಕುಡಿಯಂತ  ಇಷ್ಟೂ ದಿನ ನನ್ನ ಮನೆಯ ಭಾಗ್ಯಲಕ್ಷ್ಮಿಯಾಗಿದ್ದ ನೀ ಇನ್ನ ಹೊಕ್ಕ ಮನೆಯ ನಂದಾದೀಪವಂತ ಈಗ ನಿನ್ನ ಕಳಿಸಿಕೊಡಬೇಕಂತ ತಂಗ್ಯವ್ವ   ಉಬ್ಬಿದಾ ಕೊರಳಿಂದ ಬಿಕ್ಕಿ ಉಕ್ಕಿ ಮಾತಾ ಬರುತ್ತಿಲ್ಲ ತುಂಬಿದಾ ಕಣ್ಣಿಂದ ಬಂದ ನೀರ ತೋರಗೊಡುವಂತಿಲ್ಲ ಮಡಿಲಿಕ್ಕಿ ಹರಿಸಿಣ ಕುಂಕುಮ ಹಚ್ಚಿ ಹಾರೈಸಬೇಕಂತ ಚಂದನವ ಬಳಿದು ನಿನ್ನ ಬಾಳ ಘಮಗೊಳಿಸೆಂದು ಹರಸಬೇಕಂತ  ಈಗ ನಿನ್ನ ಕಳಿಸಿಕೊಡಲೇಬೇಕಂತ ತಂಗ್ಯವ್ವ ನಿನ್ನ ಕಳಿಸಿಕೊಡಲೇಬೇಕಂತ.......... ಶಶಿಭಾಗ್ಯಜ

ನಮ್ಮ ನಾಯಕರು

ನಮ್ಮ ನಾಯಕರು
 ಹೀಗೆ ಕೆಲವು ಜನರಿರುತ್ತಾರೆ ಮಾತೆತ್ತಿದರೆ ಸಮಾಜ ಸುಧಾರಣೆಯ ಮಾತನಾಡುತ್ತಾರೆ ಸರ್ವ ಸಮಾನತೆ ಸ್ವಾತಂತ್ರ್ಯಗಳ ಘೋಷ ಮೊಳಗಿಸುತ್ತಾರೆ ಅತೀ ಸಾಮಾನ್ಯನಲ್ಲಿ ನಾ ಸಾಮಾನ್ಯನಾಗಿ ಬೆರೆಯುವೆನೆಂದು ಬಡಾಯಿ ಕೊಚ್ಚುತ್ತಾರೆ
 ಇಡೀ ವ್ಯವಸ್ಥೆಯನ್ನ ಒಮ್ಮೆಲೆ ನಿಂತು ಸಾರ ಸಗಟಾಗಿ ಹೀಗಳೆಯುತ್ತಾರೆ ರಾಜಕೀಯ ರಾಜಕಾರಿಣಿಗಳ ಮಾನ ಕಳೆಯುತ್ತಾರೆ ಅವರೆಂದರೆ ಆಧುನಿಕ ಹಿಟ್ಲರನ ಪ್ರತಿರೂಪವೆನ್ನುತ್ತಾರೆ ರಾಜಕಾರಿಣಿಗಳ ಅಧಿಕಾರ ದಾಹವ ಎತ್ತಿ ತೋರಿಸುತ್ತಾರೆ ಅವರು ದೇಶವನ್ನೇ ಕೊಳ್ಳೆ ಹೊಡೆವ ಖಳನಾಯಕರೆನ್ನುತ್ತಾರೆ ದಬ್ಬಾಳಿಕೆ ದೌರ್ಜನ್ಯಗಳಿಗೆ ಮತ್ತೊಂದು ಹೆಸರೆನ್ನುತ್ತಾರೆ ಇದು ಪ್ರಜಾಪ್ರಭುತ್ವ ಇಲ್ಲಿ ಎಲ್ಲರು ಸಮಾನರೆನ್ನುತ್ತಾರೆ
 ಆದರೆ..........!!!!!?
 ಅವರೂ ಸಹ ನಾನು ನಾಯಕನಾಗಬೇಕೆನ್ನುತ್ತಾರೆ ಬದಲಾವಣೆ ನನ್ನಿಂದಲೇ ಆಗಬೇಕೆನ್ನುತ್ತಾರೆ ನಾ ಹೇಳಿದಂತೆ ಹಿಂಬಾಲಕರು ಕೇಳಲಿ ಎನ್ನುತ್ತಾರೆ ಅವರನ್ನೊಗಳುವ ಭಟ್ಟಂಗಿಗಳನ್ನು ಆಪ್ತರನ್ನಾಗಿಸಿಕೊಳ್ಳುತ್ತಾರೆ ಅವರ ಜಯಘೋಷಗಳನ್ನು ಇನ್ನಿಲ್ಲದಂತೆ ಇಷ್ಟಪಡುತ್ತಾರೆ

 ಸಣ್ಣದೊಂದು ತಪ್ಪನ್ನು ಬೇರಾರಾದರು ಎತ್ತಿ ತೋರಿಸಿದ್ದಾದರೆ ಇನ್ನಿಲ್ಲದಂತೆ ಎಗರಿ ಚಡಪಡಿಸುತ್ತಾರೆ ತಪ್ಪು ಅವರದೆಂದು ತಿಳಿದ ತಕ್ಷಣ ಜಾಣ್ಮೆಯ ಮೌನ ಮೆರೆಯುತ್ತಾರೆ ಅವರ ಅನುಯಾಯಿಗಳಿಗೆ ಅವರದ್ದೇ ಆದ ಚೌಕಟ್ಟಾಕುತ್ತಾರೆ ಅವರೆಲ್ಲ ನಿರ್ಧಾರಗಳಿಗೆ ಪರಕಾಯ ಪ್ರವೇಶಿಸುತ್ತಾರೆ ನಾಯಕರಾಗುತ್ತಾರೆ ಸಂಘಟನೆಯ ಹೆಸರಿನಲ್ಲಿ ಸಂಘಟಿತರಾಗುತ್ತಾರೆ ಮತ್ತದೇ ಹಳೆಯ ನಾಯಕರಂತೆ ದಬ್ಬಾಳಿಕೆ ಮೆರೆಯುತ್ತಾರೆ ಇವರು ನಮ್ಮಗಳ ನಡುವಿನ ಸಮಾನತೆಯ ಪ್ರತಿಪಾದಕರು ಸುಧಾರಣೆಯ ಮಾತನ್ನಾಡುತ್ತಾರೆ..........
   ಶಶಿಭಾಗ್ಯಜ

ಕಾಡಿಗೆಯ ಚುಕ್ಕಿಯಾಗುತ್ತೇನೆ ..  ನಿನ್ನ ಕಣ್ಣ ರೆಪ್ಪೆಯ ಪ್ರತಿ ಬಡಿತದೊಂದಿಗೆ  ಸವಿಯಾದ ಕಣ್ಣ ಕಜಾನೆಯೊಳಗಿಂದ ಮಧುವಿನ ಹನಿ ಮಂದಹಾಸದಿಂದ ಇಣುಕುತಿಹುದು  ನನಗೂ ಬ್ರಮರವಾಗಿ ಮಕರಂದವೀರುವಾಸೆ ಆದರೆ ಕುಡಿವಾಗ ಈ ಕುಡಿಕೊಕ್ಕಿನಿಂದ ನಿನಗೆ ನೋವಾಗಬಹುದೇನೊ ಅದಕ್ಕೆ ಕಾಡಿಗೆಯ ಚುಕ್ಕಿಯಾಗುತ್ತೇನೆ  ನಿನ್ನ ಕೆಳಗಣ್ಣ ಕೆಳಗೆ ನಿಲ್ಲುತ್ತೇನೆ  ಮಧುಭರಿತ ಮೊಗದ ಅಂದಹೆಚ್ಚಿಸುತ್ತೇನೆ  ನಿನ್ನ ನಗುವಿನೊಂದಿಗೆ ಜೊತೆಯಾಗಿ ನಿಲ್ಲುತ್ತೇನೆ....  - ನಿನ್ನ ನಲ್ಮೆಯ ದೀಪು...

ತಪ್ಪು ತಿಳೀಬೇಡ ಗೆಳತಿ

ನೆನ್ನೆ ರಾತ್ರಿಯ ಕನಸು ನೀನು

ತಪ್ಪು ತಿಳೀಬೇಡ ಗೆಳತಿ

ನೀ ಬರೀ ರಾತ್ರಿಯ ಕನಸೆಂದು

ನನ್ನೆದೆಯ ಭುವಿಯೋಳಗಿನ ತೇವ ನೀನು

ನನ್ನ ಪ್ರತಿರಾತ್ರಿಯ ಕನಸುಗಳ ಒಡತಿ ನೀನು

ಕಣ್ಮುಂದೆ ಬಂದು ಕಣ್ಕುಕ್ಕಿ ಕಾಡದಿದ್ದರೇನು

ಪ್ರತಿರಾತ್ರಿಯು ಕನಸಾಗಿ ಬಂದು

ಈ ಮನದಂಗಳದಿ ಒಲವ ಜಡಿಮಳೆ ಸುರಿಸುತ್ತಿರುವೆ ನೀನು

ಬಾ ಗೆಳತಿ  ಒಮ್ಮೆ ಬಂದು ನಿಂತುಬಿಡು 

ಕನಸಾಗಿ ಬರುವ ನಿನ್ನ

ಒಮ್ಮೆ ಕಣ್ತುಂಬ ನೋಡಿ ಕಣ್ತುಂಬಿಕೊಳ್ಳುವೆನು

ಕಣ್ಣ ರೆಪ್ಪೆಯೊಳಗೆ ಮುಚ್ಚಿ ಕಾಯುವೆನು

ದೃಷ್ಠಿ ಶೂನ್ಯವಾದರು ಕಣ್ಬಿಡದೆ ನಿನ್ನನ್ನಲಿರಿಸುವೇನು 

ಬರೀ ನನ್ನ ಪದಗಳೊಳಗೆ ಬಂದಿಯಾಗದಿರು 

ಬಂದನವ ಕಳಚಿ 

ನನ್ನೊಲವ ದಡದ ಮೇಲೆ ನಿಲ್ಲು ಬಾ 

ಪ್ರತಿ ಅಲೆಯೊಳಗೆ ನಾ  ಸೇರಿ

ಪನ್ನೀರಾಗಿ ಪ್ರತಿಭಾರಿ ನಿನ್ನ ಚುಂಬಿಸುವೆನು

ನಿಮಿಷ - ವರುಷ

ಒಂದೇ ಒಂದು ಒಂಟಿ ನಿಮಿಷ

ಅದರೊಳಗೆಯೆ ತುಂಬಿತ್ತು ನನ್ನೆಲ್ಲ ಹರುಷ

ನಿನ್ನ ನೆನೆದಾಗ ಮನಕ್ಕೆ ಏನೊ ಸಂತೋಷ

ನಿನ್ನ ಕಾದು ಕಾದು ನನಗಾಯ್ತು ಅದೇ ವರುಷ

ಪ್ರೇಮಕ್ಕೂ ಹೊಸ ಭಾಷ್ಯ!!!??

ಪ್ರೇಮಕ್ಕೆ ಹೊಸ ಭಾಷ್ಯ ಬರುತ್ತಿದೆ
ಹೌದು! ನಿಜಕ್ಕೂ ಇದು ಬೇಕಿತ್ತ?
ಬೇಡವಾದುದಕ್ಕೆಲ್ಲ ಬಾಯಿ ಬಡಿಯುವ ಮಂದಿ
ಅಂಗಳದಲ್ಲಿ ನಿಂತು ಗುಲ್ಲೆಬ್ಬಿಸಲಿಲ್ಲ
ವಿರೋಧಿಸುವುದಿರಲಿ ಒಮ್ಮೆ ನಿಂತು ಸೋಲ್ಲೆತ್ತಲಿಲ್ಲವಂತೆ

ಈ ಹೊಸದರೊಳಗೆ ನವಿರಿಲ್ಲ
ಎದೆಯ ಬಡಿತ ಕೇಳಿಸುವ ಸುಳಿವಿಲ್ಲ
ಕೇಳಿದಾಕ್ಷಣ ಒಳಗಿವಿಯ ನಿಮಿರಿಸುವುದಿಲ್ಲ
ಕಂಗೆಟ್ಟು ಗದ್ದಕ್ಕೆ ಕೈ ಓತು ಯೋಚಿಸುವಂತಿಲ್ಲ
ಇಲ್ಲಿ ಎಲ್ಲಾ ನೇರಾ ನೆರವಂತೆ

ಇಲ್ಲಿ ದಿವಸಗಳು ಮುನಿತು ನಿಲ್ಲುವುದಿಲ್ಲ
ಮಾತಿಗಾಗಿ ಎದುರು ನಿಂತಾಗ ತಡಬಡಿಸುವಂತಿಲ್ಲ
ಕಣ್ಣುಗಳು ಕಲೆತಾಗ ತಲೆ ತಗ್ಗಿಸಿ ನೆಲ ಕೆರೆಯುವಂತಿಲ್ಲ
ಮಂದಹಾಸದಿಂದ ನಿಂತು ಚಂದಿರನನ್ನೂ ಆಸ್ವಾದಿಸುವಂತಿಲ್ಲ
ಇಲ್ಲೆಲ್ಲಾ ಬರೀ ನಾಲಗೆಯದ್ದೆ ಸರ್ವಾಧಿಕಾರವಂತೆ

ಇಲ್ಲಿ ಪ್ರೇಮಕ್ಕೆ ಹೊಸ ಭಾಷ್ಯ ನೀಡಿದ್ದಾರೆ
ದಿಡೀರನೆ ಸಂಜೆ ಮಬ್ಬಲ್ಲಿ ಬಸ್ಸಿಡಿದು ಹೊರಡುವಂತಹ ದಾವಂತ
ಫ್ರೆಷರನ್ನು ಏರಿಸಿದ ಕುಕ್ಕರಿನೊಳಗಣ ಒತ್ತಡದಂತೆ
ಇಲ್ಲಿ ಯಾವುದಕ್ಕೂ ಸಮಯವಿಲ್ಲ ಬರೀ ವೇಗವಿದೆ
ಎಲ್ಲವೂ ಒಂದೇ ದಿನದಲ್ಲಾಗಬೇಕಂತೆ
ಅದಕ್ಕೆಂದೇ ಪ್ರೇಮಿಗಳಿಗೂ ಒಂದು ದಿನ ಗುರುತು ಮಾಡಿದ್ದಾರಂತೆ
ಪ್ರೇಮಕ್ಕು ಹೊಸ ಭಾಷ್ಯ ಬರೆದಿದ್ದಾರಂತೆ.........

ಮನಸ್ಸಿನ ಮೈ ತೆವವಾಗದಿರಲಿ

ನಿನ್ನ ಚಿತ್ತ ಇತ್ತಲೂ ಸುಳಿಯಲಿ

ನನ್ನುಸಿರಿನ ತಾಳದಲ್ಲಿ 

ಒಲವನ್ನೆ ರಾಗ ಮಾಡಿ 

ಜೀವನದ ರಂಗಶಾಲೆಯೊಳು

ಪ್ರೀತಿಯ ಆಲಾಪ ನುಡಿಸಬೇಕೆಂದಿದ್ದೆ 

ಏನಾಯ್ತೋ ಏನೊ ನಾಕಾಣೆ 

ನಿನ್ನ ಚಿತ್ತ ಇತ್ತ ಸುಳಿಯಲಿಲ್ಲ 

ಅದಾವ ಸಂಗೀತ ಮಾಯೆ ನಿನ್ನನಾಗಲೆ ಹೊಕ್ಕಿರುವುದೋ

ಅದರೊಲವಿನ ವೀಣೆಯ ನಿನ್ನೆದೆಯೊಳಗೆ ನುಡಿಸಿರುವುದೋ

ಬಾ ನನ್ನೊಲವ ಸಂಗೀತ ಭಾಸ್ಕರ 

ನನ್ನ ಜೀವನದಲ್ಲೂ ಒಮ್ಮೆ ಉದಯಿಸು ಬಾ 

ನಿನಗಾಗಿ ನಾನು ಸಂಗೀತ ಸುಧೆ ಹರಿಸುತ್ತೇನೆ 

ನಿನ್ನ ಸಂಗೀತ ದಾಹವ ತಣಿಸುತ್ತೇನೆ.

ತೋರಿಸಿಕೊಳ್ಳುವ ಮನಸಿಲ್ಲ

ನಿಲ್ಲದ ನೋವಿನ ಜೀವನ ನನ್ನದು ಗೆಳತಿ

ಒರೆಸುವವರಾರಿಲ್ಲ ಸುರಿದ ಕಂಬನಿ ಹನಿಯ

ಹರಿದು ಹೋದ ನೀರಿಗೆ ಸಾಕ್ಷಿಇಟ್ಟಿಲ್ಲ ನಾನು

ಕತ್ತಲೆಯಲ್ಲೆ ಕರಗಿಹೋದವು ಕಣ್ಣೋಟ ಕಲೆಯದೆ

ತೋರಿಸಿಕೊಳ್ಳುವ ಮನಸ್ಸು ಎನಗಿಲ್ಲ

ಮಾಯವಾಗಲಿ ಅವುಗಳಲ್ಲೆ

ಹರಿದ ಗೆರೆಯ ಗುರುತ್ತನ್ನೂ   ಉಳಿಸದೆ…

ಬೇಸರವೆನಿಲ್ಲ ನೀ ಅಂದಿದ್ದಕ್ಕೆ

ನೀ ಅಂದಿದ್ದಕ್ಕೆ ಬೇಜಾರೇನಿಲ್ಲ ಬಿಡು
ನೀನಾದರು ಅಣೆಕಟ್ಟೆಯಾಕಬೇಕು ನಿನ್ನೆದೆಯೊಳಗೆ
ನಿನ್ನೊಳಗೂ ಹರಿಯಲಿ ಭಾವನೆಗಳ ನದಿ ಭೋರ್ಗರೆದು
ನಾನು ಒಂದಷ್ಟನ್ನು ಮೊಗೆದು ಕುಡಿಯುವೆ 

ಆದರು ನೀ ಯಾಕಾದರೂ ಹಾಗನ್ನಬೇಕು
ನನ್ನೆದೆಯನ್ನೇ ನಿನ್ನ ಮಾತಿನ ಬಾಣಕ್ಕೆ ಗುರಿಯಾಗಿಸಬೇಕು
ಅದು ನಿಜ ಬಿಡು ನಿನ್ನ ಕಣ್ಣಿಗೆ ಮತ್ತಿನ್ನಾರು ಕಂಡಾರು
ಹೊಡೆಯಲಿಕ್ಕಾದರು  ನಿನಗೆ ಇನ್ಯಾರು ಸಿಕ್ಕಾರು

ಇಷ್ಟಕ್ಕೂ ನಿನಗೂ ಸ್ವಾತಂತ್ರ್ಯವಿದೆಯಲ್ಲ
ನಿನ್ನ ಮಾತನಾಡಬೇಡ ಎನ್ನಲಿಕ್ಕಾದೀತೇ
ಪ್ರೀತಿ ಕನಸು ಮಾತುಗಳೆಂದು ಯಾರೊಬ್ಬನ ಸ್ವತ್ತಲ್ಲ
ಅವುಗಳಿಗೆಂದು ಅಸ್ಪ್ರುಷ್ಯತೆಯ ಸ್ಪರ್ಶವಿಲ್ಲ 

ಕಾಡ ಹೂ ಕೂಡ ಎಂದೂ ಮುಟ್ಟದ ಚಂದಿರನ ಕಾಣುತ್ತದೆ

ಅವನ ಬೆಳದಿಂಗಳಿನೊಂದಿಗೆ ಮುದ್ದಾಟಗೈಯುತ್ತದೆ

ಅಂತಹುದರಲ್ಲಿ ನನ್ನೋಳಗೊಂದಾಗಿರುವ ಹೂ ನೀನು

ನೀ ನನ್ನೊಂದಿಗೆ ಆಟವಾಡಿದ್ದರಲ್ಲಿ ತಪ್ಪಿಲ್ಲ ಬಿಡು 

ಅದಕೇನು ಬೇಸರವಿಲ್ಲ ನೀ ಇಲ್ಲೇ ಆಡಿಕೊಂಡಿರು 

ಮತ್ತೊಂದೆದೆಯ ಬಯಲ ಹುಡುಕದಿದ್ದರಷ್ಟೇ ಸಾಕು

  ಇತಿ 

ನೀನಾಡುವ ಬಯಲಿನೊಡೆತನದ ಜೀವ