ನೀನೆ ಬರೀ ನೀನೆ

ಬರೀ ನನ್ನ ಪದಗಳೊಳಗೆ ನೀನಿಲ್ಲ
ಕವನಗಳ ಸಾಲಿನಲ್ಲಿ ಕೂರಲಿಲ್ಲ
ಕೇವಲ ನನ್ನ ಕಲ್ಪನೆಯೊಳಗೆ ನೀ ನಿಲ್ಲಲಿಲ್ಲ
ಕೈಗೆಟುಕದ ನಕ್ಷತ್ರವಾಗಿ ದೂರ ಉಳಿಯಲಿಲ್ಲ

ನನ್ನ ಮನದೊಳಗೆ ಎಂದೂ ಆಡದೆ ಉಳಿದ ಮಾತು ನೀನು
ನನ್ನೆದೆಯ ಪ್ರತಿಬಡಿತದ ಶಬ್ದ ನೀನು
ಎದೆಗೂಡ ಹೊಕ್ಕಿಬಂದ ಪ್ರತಿ ಹನಿ ರಕ್ತ ನೀನು
ನಾ ನಡೆವಾಗ ಸದ್ದಿಲ್ಲದೆ ಬೆನ್ನತ್ತಿದ ಛಾಯೆ ನೀನು

ಪ್ರತಿ ಉಚ್ವಾಸ ನಿಶ್ವಾಸದ ಆಮ್ಲ, ಇಂಗಾಲವು ನೀನೆ
ನಾ ಸತ್ತಾಗ ನನ್ನೆದೆಯನ್ನಲಂಕರಿಸುವ ಹೂ ನೀನೆ
ನನ್ನ ಸುಟ್ಟಾಗ ಉಳಿಯುವ ಬೂದಿ ನೀನೆ
ನನ್ನಾತ್ಮವ ದಿಗಂತದಾಚೆಗೆ ಹೊತ್ತೊಯ್ಯುವ ಗಾಳಿಯು ನೀನೆ

ಈ ಜೀವದ ಆದಿಯಿಂದ ಅಂತ್ಯದವರೆಗೆ ಎಲ್ಲವೂ ನೀನೆ
ನಂನತ್ಯದ ನಂತರ ಪರರಿಗೆ ಉಳಿಯುವ ನೆನಪು ನೀನೆ
ನನ್ನದು ಮತ್ತು ನನ್ನದಲ್ಲದ ಎಲ್ಲವೂ ನೀನೆ
ನೀನೆ ಬರೀ ನೀನೆ..........