ಅವನು ಮತ್ತು ಅವಳ ಕನಸುಗಳ ನಡುವಿನ ಗುದ್ದಾಟ 

ನಿನ್ನ ಕನಸುಗಳನ್ನೆಲ್ಲ ಬರೆಬರೆದು 
 ಕಾಗದದ ದೋಣಿ ಮಾಡಿ
ನಿನ್ನತ್ತ ತೇಲಿಬಿಟ್ಟಿದ್ದೇನೆ ಗೆಳತಿ 
ಭವಿಷ್ಯದ ನದಿಯೊಳಗೆ ತೇಲಿಬಂದು 
ನಿನ್ನ ಬಾಳಿನ ದಡವ ತಲುಪಬಹುದು ಅವು 
ನೆನೆದು ಮುದ್ದೆಯಾಗಿವೆಯೆಂದು ಬಿಸುಟಬೇಡ
ಎಚ್ಚರವಾಗಿ ಬಿಡಿಸಿ ಓದು ಸಾಕು ಒಮ್ಮೆ 
ಅವು ಪೂರ ನಿನ್ನವು ಜೊತೆಗೆ ನನ್ನವು 


ಕನಸುಗಳೆಂದರೆ ಭೂತ  ಪ್ರೇತಗಳ ನರ್ತನ 
ಅತೃಪ್ತ ಮನಸ್ಸುಗಳ ಬಗೆಬಗೆಯ ವ್ಯಾಖ್ಯಾನ 
ಕನಸುಗಳ ಇತ್ತ ಅಲ್ಲದೆ ಎತ್ತಲೂ ಎಸೆಯಬೇಡ 
ಇಂದಿನ ಕನಸುಗಳೆ ನಾಳಿನ ಬದುಕ ತುಳಿಯಬಹುದು 
ಜೀವನವ ಹರಿದು ಹಂಚುವ ಮೊದಲೆ ತೊರೆದುಬಿಡು 
ಬಿಡಿಸಿ ಅದರ ಬಂದನದೊಳಗೆ ಸಿಲುಕಬೇಡ 
ಬದುಕೆಲ್ಲ ನಿನ್ನದೇ ಮತ್ತು ನೀನಿಲ್ಲದಿದ್ದಾಗ್ಯು ನನ್ನದೂ ಕೂಡ